Sandra María framlengir við Þór/KA

Sandra María Jessen skrifaði í dag undir framlengingu á samningi sínum við Þór/KA til eins árs. 

Samningurinn gerir Söndru kleift að einbeita sér betur að íþróttinni og þar með að tryggja sér sæti í EM liði Íslands. Sandra fór í nóvember á reynslu hjá norska úrvalsdeildarliðinu Kolbotn og kom með mjög spennandi samning í farteskinu en ákvað samt sem áður að semja við Þór/KA.

Við sama tilefni var Andri Hjörvar Albertsson ráðinn í þjálfarateymi Þór/KA og mun hann því starfa við hlið Halldórs Jóns Sigurðssonar, þjálfara liðsins næstu þrjú árin.