Akureyrarvöllur fær nýtt nafn

Akureyrarvöllurinn fékk í dag nýtt nafn en KA og Greifinn hafa komist að samkomulagi að hér eftir muni heimavöllur KA í Pepsi deild karla heita Greifavöllurinn.

Þetta tilkynnti KA á samfélagsmiðlum fyrir leik liðsins gegn Breiðablik frá Kópavogi sem hefst klukkan 16:00 í dag. Það verður fyrsti leikur KA á Greifavellinum.

Nýtt skilti er komið upp við innganginn sunnan megin við völlinn sem má sjá á myndinni hér að neðan.

Knattspyrnudeild KA og Greifinn hafa komist að samkomulagi um að hér eftir mun heimavöllur KA í @Pepsideildin bera nafnið Greifavöllurinn. Fyrsti leikur KA á Greifavellinum er einmitt í dag þegar liðið tekur á móti Breiðablik klukkan 16:00 #LifiFyrirKA https://t.co/EKN2UJgJwj pic.twitter.com/AYoUYASvbP

— KA (@KAakureyri) July 1, 2018