Akureyringurinn Davíð Máni hefur gefið út sína fyrstu EP plötu. Platan er tónlistarverkefni Davíðs sem stundar nám í Tónlistarskólanum á Akureyri en hann er að ljúka sínu öðru ári í Skapandi Tónlist við skólann.
Platan ber nafnið Miomantis, og er það líka listamannsnafnið sem Davíð Máni notar í verkefnið. Platan er instrumental plata þar sem gítarinn er í aðalhlutverki.
Davíð spilar á alla gítara á plötunni, en honum til aðstoðar eru Zophonías Tumi sem spilar á bassa og trommur, og Sveinn sem spilar á trommur í laginu Smiled Formed Muzzle.
Davíð sá svo að mestu sjálfur um upptökur, hljóðblöndun og masteringu.
Hægt er að hlusta á plötuna á helstu streymisveitum. Hér er hún til dæmis á Spotify:
