Í árlegri spá fyrirliða, þjálfara og forráðamanna liða í deildinni er KA spáð 6. sæti. Pepsi Max deild karla í fótbolta hefst annað kvöld en fyrsti leikur KA er 1.maí gegn HK. KA endaði í sjöunda sæti í deildinni á síðasta tímabili og þeim er spáð svipuðum árangri í ár.
Helstu knattspyrnusérfræðingar landsins hafa einnig sett saman spár fyrir Íslandsmótið eins og tíðkast á vorin. KA mönnum er spáð í kringum 5.-7. sæti víðast hvar.
Samkvæmt spá Morgunblaðsins og mbl.is munu KA-menn aftur enda í sjöunda sæti úrvalsdeildar karla í knattspyrnu, Pepsi Max-deildarinnar, á komandi keppnistímabili. Hægt er að lesa umfjöllun mbl.is um KA liðið með því að smella hér.
Í upphitunarþætti Pepsi Max Stúkunnar á Stöð 2 sport er KA spáð 6. sætinu. Þú getur horft á allan þáttinn hér.
Á knattspyrnuvefnum fótbolta.net er KA mönnum spáð ofar en annars staðar en spekingar Fótbolta.net spá KA fimmta sætinu. Hægt er að lesa umfjöllun Fótbolta.net hér.
