KA-TV, sjónvarpsstöð Knattspyrnufélags Akureyrar sýndi alls 279 klukkustundir í beinni útsendingu árið 2019.
KA-TV er án efa ein öflugasta sjónvarpsstöð sem íþróttafélag hér á landi býður uppá en árið 2019 var sýnt beint frá bæði meistaraflokkum og yngri flokkum félagsins í handbolta, fótbolta, blaki og júdó. Útsendingar KA-TV fara í gegnum YouTube.
Ágúst Stefánsson, markaðs- og viðburðarstjóri KA, segist vera stoltur af þessari tölfræði. „Viðurkenni að ég er frekar stoltur af þessum tölum,“ skrifar hann á Twitter.
